Володимир Зеленски прогласен за највлијателна личност на годината

307

Магазинот „Тајм“ го прогласи украинскиот претседател Володимир Зеленски за највлијателна личност во 2022 година. Зеленски освои 3,3 милиони гласа од читателите на „Тајм“ и со 5 отсто од вкупните гласови се најде на врвот на листата.
Кога руските сили започнаа инвазија на Украина во февруари, Зеленски, комичар без политичко искуство пред да биде избран за претседател на Украина во 2019 година, беше истуркан на светската сцена и собра лидери да ја поддржат Украина.
На второ место е извршниот директор на „Тесла“ и на „Спејс екс“, Илон Маск, со 3,5 отсто од гласовите. Минатиот декември, Маск беше прогласен за личност на 2021 година на „Тајм“ за неговото влијание врз „животот на Земјата, а потенцијално и врз животот надвор од Земјата“, како што напиша главниот уредник и извршен директор Едвард Фелсентал.
Најбогатиот човек во светот, Маск, се најде на насловните страници оваа година кога Твитер ја прифати неговата понуда од 44 милијарди долари за купување на платформата.
Британскиот премиер Борис Џонсон го зазеде третото место со 3,4 отсто од гласовите. Претходно оваа година, Џонсон се соочи со негативни реакции и беше казнет од полицијата кога се појавија вести дека ги прекршил правилата за пандемијата на неговата конзервативна влада со тоа што присуствувал на роденденска забава во неговата канцеларија на Даунинг стрит во јуни 2020 година. Џонсон се извини во април, но рече дека не ги прекршил правилата свесно.