„Воцап“ моментно тестира опција што ви овозможува да го скриете статусот „последно видено“ од одредени контакти, а ќе биде достапна на уредите со оперативни системи Андроид и Иос.
„Воцап“ започна да воведува емотикони и наскоро ќе имплементира уште една корисна опција. Станува збор за опција што им овозможува на корисниците да го скријат статусот „последно видено“ од одредени контакти. Статусот „последно видено“ покажува кога корисникот последен пат ја проверил или користел апликацијата. Досега „Воцап“ им дозволуваше на корисниците да ја ограничат видливоста на нивниот статус само на нивните контакти и целосно да го исклучат, но наскоро ќе може да оневозможат одредени контакти за да ги видат споменатите информации.
Бета-верзијата 22.9.0.70 на „Воцап Иос“ ја содржи опцијата „Мои контакти освен“ во делот „последно видено“ во поставките за приватност. Но ако корисникот оневозможи одреден контакт да го види неговиот статус, истото тоа ќе биде и обратно.
Покрај тоа, „Воцап“ воведува дополнителни контроли за приватност поврзани со фотографиите на профилот и друго, а со оглед на фактот дека бета-тестирањето е во тек, нема да чекаме долго за нови опции.
