Кралицата Елизабета Втора стана првиот британски монарх што прослави платинест јубилеј – 70 години служба – откако стапи на тронот, на 6 февруари 1952 година. Таа во моментов е со најдолго владеење во светот. Елизабета е исто така кралица на Канада, Австралија, Нов Зеланд и 11 други кралства на Комонвелтот.
Втор на листата на најдолговладејачки монарси во светот е султанот Хасанал Болкија од Брунеи, кој владее 54 години.
Забележителен јубилеј оваа година слави и данската кралица Маргрета, која моментално е трета на листата, која на тронот дојде пред 50 години, на 14 јануари 1972 година.
Кралицата Елизабета сè уште има многу да помине за да го постигне најдолгото потврдено владеење досега. Луј Четиринаесетти бил крал на Франција 72 години и 110 дена, помеѓу 1643 и 1715 година.
