Групата „Спајс грлс“ наскоро ќе ја издаде првата нова песна од 2007 година, за да ја прослави 25-годишнината од појавата на својот деби-сингл „Wannabe“. Женскиот поп-бенд го одбележува специјалниот датум со претставување на „Wannabe25“ ЕП – што ќе може да се купи и репродуцира од 9 јули – а ја вклучува оригиналната верзија на хитот број еден лансиран во јули 1996 година, ремикс на Џуниор Васкез, претходно нечуено демо на „Wannabe“ и баладата „Feed Your Love“, која ги содржи вокалите на сите пет оригинални члена и е снимена кога биле помлади.
Претходно необјавената песна, ставена на полици во 1990-тите години, била напишана од коавторите на „Спајс грлс“ и „Wannabe“, Ричард (Биф) Станард и Мет Роу.
