Дури и да станува збор за искусен професионалец зад воланот, маглата може да го отежни возењето, па дури и да го направи опасно. За жал, магливото време може да доведе до предизвикување на сообраќајните несреќи, во кои, според статистиките, страдаат повеќе од 500 жртви секоја година. Кога работите стануваат сиви, запомнете ги овие десет корисни совети за побезбедно возење, дури и во најгустата магла.
1. Оставете многу растојание помеѓу вашиот автомобил и оној што е пред вас. Намалената видливост значи подолго време за сопирање, така што потребен ви е таквиот дополнителен простор. Можеби ќе потрае подолго за да стигнете до саканата дестинација, но тоа вреди за вашата безбедност.
2. Искористете ги предностите на бришачите и одмрзнувачите на шофершајбната. Влагата и мразот на шофершајбната може да создадат сјај, кој дополнително ќе ја отежни видливоста пред вас. Дајте си најдобар можен поглед со тоа што целосно ќе ја исчистите шофершајбната.
3. Кога станува збор за видливоста, проверете ја исправноста на фаровите на автомобилот. Кратките светла се всушност подобри за возење низ магла. Ако не мислите дека сегашните фарови се доволно моќни во режим на слаба светлина, размислете за замена на предните светла.
4. Одолејте му на вообичаеното чувство да ги користите светлата на некои од возилата пред вас како водич. Тоа всушност може да предизвика да се фокусирате премногу на тесниот дел од пејзажот пред вас – со што ќе пропуштите други работи!
5. Исклучете го темпоматот. Кога патиштата се магливи, може да има изненадувачки редици на чекање, затоа најдобро е сами да одржувате целосна контрола врз вашиот автомобил.
6. Следете ја линијата на десната страна на патот за да ве води, сугерира „Акуведр“. Лесно е да се запамети! Не плашете се да забавите и внимателно да возите по десната страна од патот. Рефлекторите на патот може да помогнат и да ве водат.
7. Не забрзувајте ако автомобилот зад вас е премногу близу. Може да биде примамливо да се обидете и да го изгубите од видик тој зад вас, но тоа всушност може да ја направи целата ситуација поопасна. Држете се до безбедноста, разумно користете ја брзината во маглата, дури и ако другите возачи не го прават тоа.
8. Ако е можно, останете дома кога надвор има густа магла. Маглата може да го направи возењето страшно и опасно, затоа подобро не тргнувајте на пат.
9. Проверете ги огледалата пред да забавите и нежно притиснете на сопирачките. Во такви ситуации, колку порано ќе започнете да ги користите сопирачките, толку подобро! Светлата за сопирачки ќе ги предупредат возачите зад вас дека забавувате и нема да ги изненадите со ненадејно запирање.
10. Доколку се одлучите да се повлечете и да почекате настрана од маглата, тргнете се што е можно повеќе од патот. Откако ќе застанете, вклучете ги светлата за опасност. Клучот за возењето низ магла е да запомните дека сите околу вас имаат проблеми со гледањето, па затоа најсигурно е секогаш во таква ситуација да ги користите светлата за да ги известите другите возачи каде се наоѓате. Влегувањето во бензинска пумпа или на друго место покрај патот е одлична идеја.
Соодветно користење на светлата на автомобилот е еден од главните столбови на безбедното возење во магла. Ако вашите предни светла имаат слаб преглед на патот пред вас, со време заменете ги предните фарови или поправете ги ако се неисправни.
