Претставникот на Италија, Дамијано Дејви се најде во центарот на скандал, кога на прес-конференција по победата го прашаа дали шмркал кокаин зад сцената.
Тој рече дека не користи наркотични средства, а сега се појави видео од наводната консумација на кокаин.
Од победничкиот бенд на нивниот официјален профил на Инстаграм напишаа дека немаат што да кријат и дека се подготвени да бидат тестирани доколку е потребно.
– Навистина сме шокирани што некои луѓе велат дека Дамијано користел дрога. Ние сме против дрога и никогаш не сме користеле кокаин. Подготвени сме да бидеме тестирани затоа што немаме што да криеме. Тука сме да ја претставиме нашата музика и среќни сме што победивме. Сакаме да им се заблагодариме на сите што не поддржаа. Рокенролот е мртов. Ве сакаме – се вели во објавата.
