Неодамнешните предложени уставни измени од страна на претседателот на Русија, Владимир Путин, некои ги сметаат за обид за продолжување на неговото 20-годишно владеење по истекот на мандатот во 2024 година. Руските законодавци брзо го одобрија назначувањето на новиот премиер Михаил Мишустин, откако претседателот Владимир Путин започна со неочекувана реконструкција на неговиот внатрешен круг.

Мишустин го наследи Дмитриј Медведев, соработникот на Путин, кој беше премиер на Русија осум години. Медведев поднесе оставка неколку часа откако Путин ги предложи измените во Уставот. Ваквата реконструкција ги разбранува руските политички елити, кои се прашуваат какви се намерите на Путин.

Путин е на власт подолго од кој било друг руски или советски лидер, по Јосиф Сталин, кој владееше од 1924 година до неговата смрт во 1953 година.