Ако некој дизајнер им даде облека на претседателот или на првата дама, тие смеат да ја носат само еднаш и потоа треба да ја донираат

Правила во Белата куќа

Како сопруги на претседателите, првите дами на Америка мора да се придржуваат кон одредени правила што ги носи животот во Белата куќа.
Тоа подразбира голем број привилегии, но и должности, па дури и некои ограничувања што прво дамите мора да ги почитуваат. И новата американска прва дама Џил Бајден ќе се сретне со сите овие одредби.

1. Дозволено им е да украсуваат само дел од Белата куќа
Дозволено е првата дама да даде личен допир за украсување на делот од Белата куќа каде што живее, на вториот и третиот кат, додека во другите простории тоа не е дозволено. Ова особено се однесува за историските простории што му припаѓаат на американскиот народ, а не на семејствата што живеат во Белата куќа. Ако сака да промени нешто во овие историски апартмани за гости, како што е спалната соба на Линколн или на кој било друг отворен простор што се наоѓа на приземјето или на првиот кат, првата дама мора да побара дозвола од Комитетот за зачувување на Белата куќа.

2. Не смеат да добиваат подароци од странски влади
Подароците што американскиот претседател и првата дама ги добиваат од странски влади се сметаат за подароци на САД, а не за нивното семејство. Постојат некои исклучоци (на пример, ако подарокот е од мала парична вредност), но со повеќето од овие подароци управува Националната управа за архиви и евиденција.

3. Тие не смеат да ги отвораат прозорците на Белата куќа
Во интервју за Опра Винфри, поранешната прва дама Мишел Обама откри дека прозорците не треба да се отвораат во Белата куќа. Нејзината ќерка Саша еднаш го отвори својот прозорец и веднаш примила повици со предупредување веднаш да го затвори прозорецот. Никогаш повеќе не се осмелиле да отворат прозорец.

4. Треба да плаќаат лични трошоци
Како и сите други, од семејството на американскиот претседател се очекува да плаќа за работи како храна, облека и средства за хигиена што ги користат. Секој месец, канцеларијата на сметководителот подготвува фактура со сите трошоци, што се доставува до претседателот и првата дама.

5. Смеат да прифаќаат дизајнерска облека како подарок, но има „услов“
Ако некој дизајнер им даде облека на претседателот или на првата дама, тие смеат да ја носат само еднаш и потоа треба да ја донираат. Фустаните што ги носеа Меланија Трамп и Мишел Обама на инаугурацијата ги донираа за институцијата Смитсонијан. Секако, на првите дами им е дозволено да купуваат дизајнерска облека, но од нив се очекува да ја платат целата цена, како и сите други.

6. Не смеат да возат
Хилари Клинтон и Мишел Обама признаа дека за време на животот во Белата куќа не возеле автомобил самостојно. Дури и по напуштањето на Белата куќа, Мишел откри дека тајната служба сè уште не ѝ дозволувала да вози сопствен автомобил.

7. Тие не добиваат плата за
нивната работа во Белата куќа
Тоа е всушност паметен политички потег. Белата куќа зависи многу од неплатениот и неофицијален статус на првата дама. Исто така, има своја предност, ја чини личноста да изгледа аполитична, без никакво учество во политички резултати.

8. Од нив се очекува да се занимаваат со добротворна работа
Се очекува секоја прва дама да се вклучи и да реши некои социјални проблеми. Лејди Бирд Џонсон, која се занимава со заштита на животната средина, прва официјално ја започна оваа традиција, но и првите дами пред неа учествуваа во хуманитарна работа.

9. Тие можат да ја задржат својата работа
Првите дами Сара Полк, Еленор Рузвелт и Бес Труман ги водеа своите деловни активности додека нивните сопрузи беа претседатели. И новата прва дама Џил Бајден изјави дека има намера да продолжи со предавање на колеџ дури и откако се пресели во Белата куќа со нејзиниот сопруг Џо Бајден.

10. Тие не мора да живеат во Белата куќа
Меланија Трамп не се пресели во Белата куќа веднаш по инаугурацијата на Доналд Трамп во 2017 година. Одлучија така за да не мора нивниот син Барон да ја прекинува тековната учебна година.