Познатиот хрватски пејач Оливер Драгојевиќ починал вчера на 71 годишна возраст, по една година борба со ракот на градите.
Веста ја објави „Слободна Далмација“, откако им била потврдена од семејството на Оливер.
Роден во Вела Лука на островот Корчула, Драгојевиќ растел како уличен музичар за туристите, по што завршил музичко училиште во Сплит. Првпат настапил во 1961 година, на Сплитскиот детски фестивал, по што го формира бендот Батали.
Во 1970-ите настапувал низ цела Европа, а од средината на оваа декада датираат и неговите први хитови и соработката со композиторот Зденко Руњиќ, кој е автор на песните како „Романца“ и „Опрости ми папе“.
Во текот на својата карирера Оливер Драгојевиќ објави преку 30 албуми, а настапувал и во Карнеги Хол, Ројал Алберт Хол и сиднејската Опера.
