Најдобрата одбрана од студот е да инвестирате во квалитетно безвременско палто или во топла јакна што ќе ја комплетира вашата колекција. Модните експерти предлагаат неколку палта што ќе бидат во тренд оваа зима, а кои се безвременски модни класици. Тие советуваат дека е попаметно да се инвестира во класични модели што лесно ќе се вклопат во секој стил. Изборот е голем, од класични модели на палта во камел-боја, кои никогаш не излегуваат од мода, до поставени модели и шармантни кадифени палта, кои уживаат голема популарност кај модните зависници од сезона на сезона.
Бомбер-јакната е тренд што никогаш не престанува да нѐ воодушевува. Ова многу удобно парче облека особено доби популарност во последните неколку години поради неговиот елегантен волумен и способноста да ве загрее дури и во најстуденото време.
Секоја зима еден модел се кристализира како омилен, а четврта сезона едноподруго, титулата ја носи теди-капутот. Поради својата големина, ова е парче облека што ќе ја воздигне речиси секоја комбинација и затоа совршено се вклопува со едноставни монохроматски парчиња. Тука е и палтото од кашмир, кое низ долгогодишното присуство на модните писти доби статус на модна класика, која еднакво ја сакаат и жените и мажите.
Преголемата пердувеста, таканаречена пафер-јакна е еден од многуте трендови од 1990-тите години што го доживеа своето големо враќање. Покрај тоа што се истакнува по својата големина, оваа јакна е практична, удобна и топла.
