Американскиот режисер Оливер Стоун ја прими руската вакцина против ковид-19 и изјави дека не му е јасно зошто ја игнорираат на Запад.
– Ја примив вакцината пред неколку дена. Сè уште не знам колку е ефикасна, но имам слушнато многу позитивни реакции за нејзиниот квалитет – изјави Стоун за рускиот Прв телевизиски канал, пренесува „Спутник“.
Во август, Министерството за здравство на Русија ја регистрира првата вакцина во светот за спречување на ковид-19, која беше развиена од Националниот истражувачки центар за епидемиологија и микробиологија „Гамалеја“ во соработка со Рускиот фонд за директни инвестиции.
