Светската астронаутичка и вселенска администрација (НАСА) се подготвува да лансира вселенско летало што ќе се судри со астероид, како тест за одбрана на планетата Земја од астероиди во иднина, пренесе Си-ен-ен. Првата таква мисија со име ДАРТ, или тест за пренасочување астероид, треба да започне на 23 ноември, кога ракетата „Спејс икс фалкон 9“ ќе биде лансирана од базата Ванденберг во Калифорнија.
Научниците ќе тестираат дали ќе можат да ја променат орбитата на Диморфос, лунарен астероид долг 160 метри, оддалечен милиони километри од Земјата. Диморфос орбитира околу поголем астероид наречен Дидимос, долг речиси 800 метри. Двата астероида се очекува во септември 2022 година да се доближат на околу 4.200 милиони километри од Земјата, а леталото треба да се судри со Диморфос. Леталото, кое ќе се движи со брзина од околу 24.000 км/ч, се очекува да ја намали брзината на Диморфос за околу еден процент. Ова како бројка можеби не изгледа пресудно, но доволно е да се промени орбитата на помалиот астероид, за кој научниците се надеваат дека ќе можат да го набљудуваат од телескопите на Земјата.
Според написот на Си-ен-ен, целта на мисијата ДАРТ е да се брани Земјата од астероиди, а крајната цел на мисијата ДАРТ е да добијат информации за тоа како вселенските организации можат да ја одбранат Земјата од смртоносни астероиди што би се појавиле во иднина.
– Астероиди и делови од астероиди летаат кон Земјата цело време. Секоја година нѐ погодуваат предмети со големина на маса – рече Енди Ривкин, еден од водачите на мисијата ДАРТ од лабораторијата за применета физика на универзитетот „Џонс Хопкинс“.
Според него, објекти како Диморфос и Дидимос летаат кон Земјата на секои неколку илјади години и се доволно големи за да предизвикаат значителна штета.
Мисијата ДАРТ, развиена за НАСА од Лабораторијата за применета физика на универзитетот „Џонс Хопкинс“, ќе користи „евтини“ вселенски летала опремени со два соларни реда, што значи дека ќе бидат долги 8,5 метри, – пишува веб-страницата „Проект“. Леталото ќе биде опремено со камера, која исто така ќе помогне да се најде патот до Диморфос, и со сателитска коцка од италијанско производство, која ќе се оддели од леталото пред ударот и ќе го фотографира судирот.
