Прехранбените влакна се клучни за губење на тежината, но важно е и од кој извор доаѓаат. Тие го подобруваат варењето, помагаат при слабеење и нѐ одржуваат сити подолго време. Сепак, некои намирници имаат толку многу недостатоци што е подобро да се избегнуваат, дури и ако содржат многу влакна.
Гранола со додадени влакна: ако имате проблем со контролирање на порциите, најдобро е да ја избегнувате гранолата, дури и ако е полна со влакна. Една рака гранола може да содржи од 320 до 500 калории, уште и кога ќе додадете млеко или јогурт во неа, калориите едноставно растат.
Инстант овесна каша: овесната каша е одлична храна доколку се обидувате да изгубите тежина и да се храните здраво. Меѓутоа, тие инстант верзии не се најдобриот избор. Често се полни со шеќер, вештачки вкусови и бои. Притоа тие предизвикуваат нагло покачување на шеќерот во крвта.
Леб од цели зрна: звучи здраво, но всушност нема толку многу влакна во него. Поздрав е од обичниот бел леб, но не е поздрав од овошјето и зеленчукот богати со влакна.
Снегулки: само затоа што велат дека некои снегулки се направени од цели зрна и збогатени со влакна не значи дека се здрави и дека се добар избор за слабеење. За жал, често се полни со шеќер, сируп од фруктоза и други конзерванси и хемикалии, пишува „Ит дис“.
Печени производи со додадени влакна: ова е еден од незгодните начини на кои производителите се обидуваат да ве убедат дека нездравата храна е добра за вас.
– Иако ваквите бисквити или колачиња се подобри од оние без додадени влакна, освен тоа тие не нудат ништо добро. Психолошки, можете да се убедите себеси дека смеете да ги јадете повеќе само поради тие додадени влакна – вели нутриционистката Сара-Џејн Бедвел.
Сушено овошје: дали некогаш сте забележале дека грст сушено овошје се претвора во цело ќесе? Сувото овошје е полно со хранливи материи, но лесно е да се претера и содржи многу шеќер. Наместо тоа, земете свежо овошје. Можете да го јадете повеќе и ќе бидете сити подолго.
