Издигнувајќи се над морското ниво, Мон Сент Мишел е карпест остров во Ла Манш, околу еден километар од Нормандија во Франција. Мон Сент Мишел е неверојатен град, замок, остров и опатија во едно. Манастирот што се наоѓа на самиот врв на островот ја направи оваа дестинација светски позната. Драматичниот поглед и кривулестите улици на средновековниот град, на четири часа возење од Париз, го вклучија ова необично место на списокот на светско наследство на УНЕСКО.
Во шестиот век, црковните монаси и пустиниците живееле на ова место во потрага по вера, мир и осаменост. Аџиите во тоа време морале внимателно да го преминат островот, бидејќи немало пристап, а плимата и осеката се менувале многу брзо. Кон крајот на 1800 година бил изграден првиот насип, кој го поврзал островот со копното, што им овозможило на аџиите, а подоцна и на туристите, да стигнат до градот. Но токму поради плимата и осеката местото наутро е полуостров, а попладне е остров. На влезните порти на градот се наоѓа амблемот на градот (два лососа што пливаат во спротивни насоки) и информации за тоа кога треба да го напуштите полуостровот тој ден ако не сакате да пливате. Најдобро е да се оди на обиколка на островот околу пладне.
Ова место не ја остави рамнодушна филмската продукција, тука се снимени „Господарот на прстените“, „Човекот со железна маска “ и „Тројцата мускетари “.
