Лавови, тигри и еден јагуар побегнале од Зоолошката градина во градот Лунебах, на западот на Германија, јави агенцијата дпа.
Според првичните информации, побегнале два лава, два тигра и еден јагуар. Како што јави Франс прес, побегнал и еден мечок, но набргу бил застрелан.
Полицијата е во потрага по побегнатите животни, а за АП соопштија дека веруваат оти животните се на територијата на Зоолошката градина.
Сепак, населението на Лунебах било предупредено да не излегува од своите домови.
