Традиционалната кинеска медицина познава седум основни емоции – лутина, среќа, грижа, замисленост, тага, страв и шок, и секоја од нив е поврзана со функционирањето и здравјето на органите во човечкото тело. Штом се појави нерамнотежа во работата на одреден орган, тоа е знак дека чувствата почнале да влијаат врз здравјето. Но тоа функционира и во друга насока. На пример, ако црниот дроб собира премногу токсини, ќе се појави лутина и лицето е раздразливо од причина што не му е позната. Исто така, гневот ќе предизвика нерамнотежа во функционирањето на црниот дроб и сето тоа станува злобен круг.
Луѓето склони кон проблеми со желудникот поради потисната лутина може да страдаат од гастритис или чиреви на желудникот.

Со потиснување на грижите и вознемиреноста, може да дојде до проблеми со варењето, надуеност по оброк, грчеви и болки во стомакот. Преголемата загриженост исто така може да предизвика проблеми како запек или синдром на иритабилни црева.
Емоцијата на страв е поврзана со бубрезите. Нормално е да се чувствува страв одвреме-навреме, но кога состојбата на страв станува хронична, таа почнува да влијае на здравјето. Ненамерното мокрење е најчестиот знак на тоа нарушување, па дури и кај децата, мокрењето во кревет може да биде резултат на прекумерен страв од некого или од нешто.

Премногу возбуда, дури и онаа што се смета за позитивна како организирање на свадба, може да предизвика нервоза, вознемиреност, несоница и срцеви потскокнувања. Тие симптоми обично укажуваат на емоционална нестабилност. Оние што вечно бараат возбуда, исто така спаѓаат во оваа група.