Највисокиот египетски суд донесе одлука да го укине ЈуТуб во земјата на еден месец, поради видеата коишто содржат непримерни содржини и пораки за исламскиот пророк Мухамед.
Одлуката е донесена како епилог на процесот против аматерскиот филм „Невиноста на муслиманите” од 2012 година, каде што пророкот Мухамед е претставен како кловн и педофил.
Тоа видео предизвика масовни протести со антиамерикански карактер низ целиот Блиски Исток, во кои имаше и 30 настрадани.
Ставот на Вашингтон е дека видеото е направено приватно, без поддршка од официјални лица.
