Најпопуларната криптовалута во светот оваа недела забележа пад под 6.000 долари, што е најниска вредност на биткоинот годинава.

Вредноста на биткоинот во средината на неделата се намали дури за 11 отсто само во еден ден и изнесуваше 5.534 долари. Но, во текот на денот вредноста на криптовалутата се искачи на 5.680 долари. Тоа е значаен пад по повеќемесечната стагнација на нивото околу 6.000 долари.

Биткоинот најголемата вредност од речиси 20.000 долари ја достигна во декември 2017 година.

Криптовалутата е релативно стабилна од септември кога нејзината вредност се движеше од 6.000 до 7.000 долари.

Пазарната капитализација на биткоинот во текот на неделата забележа пад под 100 милијарди долари, првпат од средината на септември.