Веганската диета, но и намаленото внесување месо и производи од животинско потекло стануваат сè попопуларни, како поради загриженост за животната средина и животните така и од здравствени причини. Иако ви се чини дека поради многу опции изборот на извори на вегански протеини е лесен, тоа не е сосема точно затоа што протеините во растенијата се различни од оние од животинско потекло.
Имено, животинските протеини се целосни, односно ги содржат сите есенцијални аминокиселини што му се потребни на нашето тело, додека растителните протеини главно не се. Сепак, со правилна комбинација на различни извори на растителни протеини, можете да ги добиете сите потребни аминокиселини во еден оброк и на тој начин да добиете целосни протеини. Еден пример за таква комбинација се гравот и оризот.
Најголемата работа кај изворите на вегански протеини е нивната разновидност. Постојат многу мешунки, житни растенија и растителни производи што се богати со протеини што можете да ги консумирате во текот на денот и на тој начин да додадете разновидност во вашата исхрана. Освен што вашата исхрана ќе биде поздрава и нема да се заситувате од одредена храна брзо, со комбинирање различни вегански извори на протеини, вашето тело ќе добие и големо количество витамини и минерали неопходни за негово нормално функционирање.
