Џорџ Клуни ќе го режира филмот „Калико Џо“ според книгата на Џон Гришам

111

Џорџ Клуни ќе биде режисер филмот „Калико Џо“ според книгата на Џон Гришам објавена во 2012 година. Романот е инспириран од реалната приказна за Реј Чепмен, професионалниот бејзбол играч кој завршува во кома откако бил погоден со бејзбол топче за време на меч, пренесуваат медиумите.

Џон Гришам е добитник на наградата „Галакси бритиш бук авардс“ и се вборјува меѓу тројцата автори кои успеале да продадат преку два милиона примероци со првото печатење. Останатите двајца се Том Каланс и Џ.К.Роулинг. 

Продукцијата ќе биде на компанијата „Смоукхаус пикчрс“ во која Клуни е партнер со Грант Хеслов, актер и продуцент. Во продукцијата на филмот исто така ќе учествува и реномираниот музичар Боб Дилан.

Од своја страна, добитникот на Нобеловата награда за литература и добитник на „оскар“, Боб Дилан, го опишал сценариото како „моќна приказна што ќе допре до млади и до повозрасни лица”.

Хеслов и Клуни соработуваа и во филмот „Арго“, којшто во 2013 година ја освои наградата „оскар“ за најдобар филм. Новиот филм е сѐ уште во претпродукција и ќе започне со производство во 2021 година. Клуни со овој филм се враќа на режија само неколку месеци по завршувањето на научнофантастичниот трилер „Полноќно небо“.