Џеф Бриџис објави дека има рак на лимфни жлезди

307

Американскиот актер Џеф Бриџис објави дека има рак на лимфни жлезди, но дека „прогнозите се добри“. Оскаровецот ја објави веста преку Твитер, додавајќи дека започнал со лекувањето, пренесува Би-би-си.

– Ова е сериозна болест, но среќен сум што покрај себе имам одличен тим на лекари – додал Бриџис во својата објава на Твитер.

Лимфом е облик на рак што ги напаѓа лимфните жлезди. Не е прецизирано за кој вид на лимфом станува збор, но болеста, како што вели актерот, е во ран стадиум.

Седумдесетгодишниот Бриџис е најпознат по филмот „Големиот Лебовски“ од 1998, а наградата „оскар“ за најдобар актер ја доби во 2010 година за ликот на пејач-алкохоличар во „Лудо срце“.