Чукотка – град на крајот на светот

223

Држава: Русија
Домородно население: Чукчи и Ескими
Површина: 721.500 квадратни километри

Чукотка се наоѓа во североисточниот дел на Русија и Евроазија. Станува збор за едно од најизолираните места во светот. Всушност, тоа е најоддалечено, најнедостижно и најнепријатно место за живеење во Русија, а наедно и најмалку истражено. Чувството да се живее овде е како да живеете среде снежна пустина. Чукотка е сместена меѓу Арктикот и Тихи Океан. Кога ќе стигнете до Кејп Дежнев (најисточниот крај на Русија), може да ги видите Арктикот одлево, Пацификот право, Северна Америка пред вас и безграничната тундра на Евроазија североисточно зад вас.

Посетителите на овој регион се изложени на ветровите од два океана, може да ги видат единствената флора на Арктикот и мистериозните градби на античките жители на Чукотка. Областа од 721.500 квадратни километри е поголема од која било европска држава, но наедно ова е најретко населениот регион во Русија.

Долгата зима и екстремните температури направија многумина да го напуштат ова место. Староседелците на Чукотка, Чукчите, самите се нарекуваат „лигуо раветлуан“, што значи „вистинските луѓе“, а името Чукотка го преведуваат како „земјата во која живеат вистинските луѓе“. Сепак, и на ова место се доселуваат луѓе главно од средиштето на Азија, привлечени од високите плати и долгите одмори.