„Фејсбук“ казнет со четири милиони долари во Унгарија

94

Компанијата „Фејсбук“ ќе треба да плати казна од околу четири милиони долари, на Агенцијата за заштита на конкуренција во Унгарија поради доведување во заблуда на корисници. Тоа е најголема ваква казна во историјата на државата.

Унгарската агенција тврди дека „Фејсбук“ ги рекламирал своите услуги како бесплатни, но дека компанијата заработувала пари од активности и податоци на корисниците, што може да се толкува како форма на плаќање, јавуваат унгарските медиуми.

Унгарската агенција наведува и дека пораката на „Фејсбук“ пред која се рекламирале бесплатни услуги, била поставена во почетокот на 2010 година и дека е избришана во крајот на октомври оваа година.