Тејлор Свифт го собори рекордот на Витни Хјустон на листата на „Билборд 200“

170

Тејлор Свифт го собори долгогодишниот рекорд на Витни Хјустон за најмногу кумулативни недели поминати на првото место на табелата „Билборд 200“ на пејачка.

Свифт достигнала 47 недели, што е за една недела повеќе од рекордот на Хјустон од 46 недели, објавил вчера Билборд, пренесува „Дејли мејл“.

Витни Хјустон, која почина на 48-годишна возраст во 2012 година беше актуелен рекордер од 1987 година.

Поп-ѕвездата Свифт го постигна импресивниот подвиг оваа недела откако нејзиниот последен албум „Фолклор“ се искачи на првото место на табелата каде што се наоѓа седум последователни недели.

„Фолклор“ е осми албум на Тејлор Свифт, кој го објави на 24 јули и сруши неколку рекорди на топ листите во првата недела од продажбата.

Свифт изјавила дека го напишала и снимила албумот додека била во изолација, соработувајќи на дистанца со „некои свои музички херои“. Во новиот албум, ја сменила својата музика, давајќи ѝ повеќе инди звук.

На Спотифај, албумот имаше 80,6 милиони стримања за еден ден, што е највисока бројка за женски музичар. Во САД се продале 846 илјади копии со што стана најдобро продаден албум за само седум дена. „Фолклор“ одлично се пласира и во Велика Британија, Финска, Австралија, Норвешка, Нов Зеланд и во Белгија.