Стресот може да биде заразен

60

Луѓето имаат софистицирана способност да ги „соберат“ и да ги препознаат сигналите на стресот кај другите. За среќа, стресот не е секогаш лош.
Вашиот шеф шутира низ салата во незгодно расположение и одеднаш – и вие сте на „работ на вашите нерви“ исто така. Или, откако разговарате со партнерот за време на вечерата на маса, забележувате дека вашите деца користат ист тон едни со други. Стресот – терминот за негативни емоции како што се грижите, вознемиреноста и фрустрацијата – е заразен. Слично како настинката, можете да го „префатите“ од другите луѓе. Или како вирусот, може да ве остави со чувство на (емотивен) замор, пишува „Хелтлајн“.

Како дел од неговото истражување за стресот и однесувањето, докторот специјалист Тони Бјуканан, кодиректор на програмата за невронаука на универзитетот „Сент Луис“ во Сент Луис, Мисури, собирал податоци од илјадници луѓе за задачата наречена „Социјален стрес тест“.
За време на секој тест, студентите се регрутирале да застанат пред група странци и да одржат јавен говор, а потоа од нив се барало да пресметаат некоја тешка аритметика – во главата. Наменето било ситуацијата да биде стресна, сè до бесчувствителните изрази на лицата на истражувачите што ги гледаат.

– Како резултат на тоа, учесниците стануваа збунети, погрешно пресметуваа и забораваа на „вистинските“ зборови што сакаат да ги користат – вели Бјуканан.
И иако за секој експеримент неговата улога била само набљудувач, Бјуканан признал дека почнал да се чувствува многу лошо. Неговата реакција не е аномалија. Како луѓе, отсекогаш сме имале стекнато биолошки интерес да ја издигнеме свеста за тоа како се чувствуваат другите околу нас.