Португалија е прва држава што ја има декриминализирано дрогата

153

Португалија во текот на 1990-тите години беше држава со најголем број смртни случаи во Европа од предозирање и најголем број на лица заразени со ХИВ кај корисниците, пренесува Би-би-си.

Поради тоа владата на Португалија собра група експерти доктори, психијатри и судии, кои направија национална стратегија. Стратегијата се состоеше од радикални мерки, како што е декриминализацијата на дрогата за лична употреба и тоа вроди со плод. Во 2001 година стапи на сила новиот закон, па ХИВ и хепатит Ц инфекциите, како и поврзаните кривични дела се намалија како резултат на националната стратегија според која се воведе поддршка и лекување наместо криминално досие.

Законот воведен во 2001 година дозволува луѓето што носат лекови за лична потрошувачка да не се гонат, а наместо тоа тие се упатуваат кон здравствени и социјални услуги за да добијат третман. Со спроведувањето на националната стратегија употребата на дрога се намалила.

Доктор Хуан Гулон, еден од членовите на експертскиот тим, зборува за радикалната стратегија, но и за годините кога во Португалија немало семејство без проблеми со употребата на хероин.