Понца – островот каде Мусолини бил чуван во заточеништво (видео)

375

Италијанскиот остров Понца на којшто во 1943 година Мусолини бил чуван во заточеништво, сега секоја година е цел на инвазија од туристи.

Понца, најголемиот остров во архипелагот Понтино, се наоѓа во Тиренското Море пред заливот Гаета, на половина пат меѓу Рим и Неапол. Речиси е недопрен од модернизацијата, а прошаран со куќи, вили и места што чекаат да бидат истражени од туристите кои просто нема да можат да им одолеат.

Ноќниот живот е поприлично мирен, а вечера во некој од локалните ресторани може да трае и до раните утрински часови. Меѓу специјалитетите од морски плодови, овде се препорачуваат сабјарка, црвена риба, школки, ракчиња…

Врвна храна, топли, пријатни луѓе, сонце… Се што е потребно за опуштен летен одмор.