Најлошиот убиец на живиот свет во океаните

753

Просечниот Американец користи по 35 илјади пластични сламки во текот на животот. Ги користи за кафе, сок, коктели, речиси по десет пластични сламки на ден, вели глумецот, продуцент и еколог Адријан Гренијер, кој ја започна кампањата „Стравлес оушн“.

Пластичните сламки не можат да се рециклираат, па завршуваат во депониите, во природата и во океаните. Американците исфрлаат половина милјарда сламки секој ден, што е доволно да се наполнат 125 школски автобуси.

Според листата на страната „Литерати“, сламките се шестти на листата предмети и материи што се најчесто фрлани во океаните, по пластиката, цигарите, хартијата, конзервите…

Тие го влошуваат и така големиот проблем со фрлање пластика во океаните. Годишно во океаните завршуваат околу осум милиони тони од тој материјал, произведен од фосилно гориво.

– Во рестораните секогаш добивам пластична сламка, дури и тогаш кога не сум побарал. Тие се прават од нафта, а се користат неколку минути пред да се фрлат и не се рециклираат – вели Мило Крес, кој во 2011 година како деветогодишник покренал кампања „Би строу фри“, прва од таков тип во Америка.

Пред неколку години вниманието го привлече видео-снимка на кое е прикажана морска желка што во носот има заглавена пластична сламка. Видеото е искористено за кампања со цел да се развие свеста кај населението за исфрлање од упореба на пластика што не се рециклира, бидејќи е премногу опасна за живиот свет во окените и природата.