Морското дно ги проголта остатоците од бродот „Титаник“

679

По 14 години пауза, нуркачи повторно ги посетија и истражија остатоците од познатиот брод „РМС Титаник“. Бродот кој некогаш претставуваше слика за луксуз и гламур, сега е проголтан од морското дно и опустошен од бактерии кои ги нагризуваат металните остатоци, објави Си-ен-ен.

Серијата на нуркачки експедиции беа комплетирани овој месец, на оддалеченост од речиси 600 километри од јужниот брег на канадската сојузна држава Њуфаундленд, и 4.000 метри под површината, каде и вечно стои бродот кој некогаш се сметаше за непотонлив.

Тимот на експерти, научници и други познавачи, создадоа снимки од 107-годишната подводна руина со специјално адаптирани камери. Снимката во резолуцијата „4К“ ќе и овозможи на јавноста преку системот за вирутуелна реалност да ги истражи остатоците од потонатиот брод.

„Титаник“ потона во 1912 година откако погоди санта мраз, несреќа во која загинаа 1.517 од 2.223 луѓе кои беа на бродот.

Снимката, која ќе биде дел од нов документарен филм на „Атлантик Продакшнс“, ги покажува ефектите на корозија предизвикана од сол, силината на бактериите кои се хранат со метал и моменталната состојба на декомпозиција на бродот.