Лајза Минели не сака Рене Зелвегер да ја глуми нејзината мајка

94

По веста дека холивудската глумица Рене Зелвегер ќе ја глуми Џуди Гарланд во биографскиот филм за американската филмска ѕвезда, се огласи глумицата Лајза Минели, ќерката на Џуди, и откри дека „ниту ја одобрува, ниту ја забранува“ одлуката Рене да ја глуми мајката и во претстојниот филм.
Таа се огласи на својот официјален профил на Фејсбук и напиша порака во која вели дека не се согласува со изборот на глумицата за оваа улога.
– Не знам како почнаа овие приказни, но ниту го одобрувам, ниту го забранувам снимањето на филмот за Џуди Гарланд на кој било начин – напиша Минели на социјалната мрежа.
Инаку, филмот насловен „Џуди“ веќе почна да се снима во Лондон, а Рене, како што објави „Дејли мејл“, има драстична трансформација на својот изглед за да личи на култната ѕвезда.