Круната на Ноториус Биг од 6 долари стигна до 600.000 долари

79

Пластична круна што чинела само 6 долари, носена од Ноториус Биг, е продадена за 594.750 долари на првата хипхоп-аукција на „Сотби“. Круната ја користеше фотографот Барон Клеборн во портретите направени три дена пред убиството на раперот, а е потпишана од Ноториус Биг. Се одликува со „еден поткршен рог, општо абење и абразија“. Продажната цена беше двојно поголема од процената од 200 до 300.000 долари.
На истата аукција е продадена и неотворена 12-инчна копија на една од најзначајните хипхоп-нумери, „Beat Bop“ од Рамелзи и К-Роб, објавена во 1983 година. Продадена е за 126.000 американски долари. Се очекуваше да се продаде за не повеќе од 3.500 долари, но нејзиното педигре и насловната страница од Жан-Мишел Баскијат ја истуркаа цената далеку над процената. Цената ја прави меѓу најскапите плочи некогаш продадени на аукција.
Куп од 22 љубовни писма, испратени од Тупак Шакур до неговата љубена Кети Лој во средно училиште, беа продадени за 75.600 долари. Тие ја покажуваат емотивна зрелост што тој ја носи понатаму на својата музика.

– Само сакам да бидам помалку чувствителен и помалку штетник. Она што го чувствувам има врска со моите несигурности и морам сам да се справам со тоа – пишува тој во едно од писмата, продадено за 17.640 долари.
На аукцијата се продадени голем број парчиња облека, вклучувајќи и разнобојни јакни носени од „Салт-ен-пепа“ за време на нивниот хит „Push it“, како и костум што го носеше Д-р Дре и прототипови на патики „ер џордан“ дизајнирани за Дрејк. Комеморативна поштенска марка со „Ву-Танг клан“, потпишана од раперот продуцент на групата „РЗА“ е продадена за 8.190 американски долари. Три уметнички дела од ерата на „Дејзи ејџ“ на Де Ла Соул ги нарушија процените, со студијата за насловната страница на албумот „Three Fit High“ и „Raising“ продадена за 21.420 американски долари.

Покрај тоа, беа продадени визуелни уметнички дела од Џенет Бекман, Шрт Кинг Фајд, раперот Скули Ди и други, заедно со летоци, постери и фотографии. Уметничко дело од „Фаб 5 Фреди“, еден од основачите на хипхоп-жанрот, од 2013 година беше продадено за 22.680 долари.
Знак за метро во Харлем, украсен со графити од уметници меѓу 1980 и 1985 година, беше продаден за 27.720 американски долари, што е трипати повеќе од првичната процена.