Кина ќе лансира експериментално вселенско летало

216

Кина има намера да лансира беспилотно експериментално вселенско летало следниот месец, како дел од пошироката програма за вселенско летање, за транспорт на астронаути до нивните идни вселенски стани­ци, објавија државните медиу­ми. Вселенското летало од новата генерација е предвиде­но да биде лансирано со-­ упо­треба на ракетата „Лонг марч-5Б“ од јужната провинција Хаи­нан, објави новинската агенција „Ксинхуа“, повикувајќи се на кинеската вселенска агенција ЦМСА.

Лансирањето е закажано помеѓу средината и крајот на април. Леталото се развива за кинески вселенски станици и идни истражувања на вселе­ната. Ќе биде поголемо од се­гаш­ното вселенско летало „Шен­жоу“ и ќе може да се ко­рис­ти повеќепати.
– Мисијата ќе ги тестира клучните технологии на новото вселенско летало за екипажот, како што е контролирање на неговото повторно влегување во атмосферата, термички оклоп и сл. Со тоа ќе се постават теме­лите за развој на транспорт на идните астронаути до кинеската вселенска станица – вели Јанг Кинг, дизајнер на вселенски летала во кинеската академија за вселенска технологија.

Долго 8,8 метри и со тежина од полетувањето 21,6 тон, ле­талото ќе може да носи шест астронаути, што е повеќе од максималниот капацитет на „Шенжоу“, кој е ограничен на три лица. Целта на Кина е да ја заврши вселенската станица, која ќе има постојана екипа око­лу 2020 година. Вселен­ското ис­тражување стана гла­вен прио­ри­тет за Кина во по­след­ниве години, додека се оби­дува да ги достигне Русија и САД и да стане вселенска сила до 2030 година.