Како ќе се справи со климатските промени новоизбраниот претседател Бајден

251

Новоизбраниот претседател на САД, Џо Бајден, ветува дека ќе создаде јаглеродно неутрална економија до 2050 година, менувајќи многу од извршните наредби на Доналд Трамп

Џо Бајден планира да воведе далекосежни мерки за да ја направи економијата на САД јаглеродно неутрална до 2050 година, за да се избегнат најлошите влијанија на климатските промени.
Агендата за повлекување на околу 80 одлуки за намалување на заштитата од климатските промени иницирани од претседателот Трамп најверојатно ќе почне со повторно вклучување во Парискиот климатски договор од 2015 година, кој САД официјално го напуштија следниот ден по изборите. САД со тоа станаа единствената земја во светот што одби да учествува во светските напори за спречување на климатските промени.
Оттогаш задачите на Бајден ќе стануваат сè покомплексни, бидејќи неговата администрација ќе се обидува да ги регулира емисиите на стакленички гасови, односно да ја сведе нивната емисија на нула.