Животни

53

Симптоми што покажуваат дека кучето има температура

Постојат неколку знаци што ќе ви откријат дали вашето куче има температура.
Ако внимателно ги погледнете очите на здраво куче, тие се јасни и светли, а ако тие изгледаат црвеникаво и уморно, вашето куче веројатно има температура. Покрај заморот, и губењето на апетитот е еден од најчестите и најалармантни знаци дека нешто не е во ред. Обидете се да му понудите храна и да си играте со него. Ако од негова страна нема одговор на каков било стимул и едвај ги допира омилените закуски, тоа исто така може да биде едно од навестувањата за покачена температура.
Едно од најтоплите места на телото на вашето куче е неговиот нос. Носот на здраво куче треба да биде чист, свеж и влажен. Премногу врел или сув нос може да биде симптом на температура. Друго место за проверка се ушите, кои не треба да бидат потопли од остатокот од телото.
Што да направите пред да одите на ветеринар: со сунѓер навлажнете го кучето во пределот на пазувите, муцката и ципите, одведете го на ладно место, каде што ќе му биде попријатно, понудете му ладна вода за да му се намали телесната температура, ставете му облоги од мраз зад главата и нозете, но внимавајте да не го вознемирите.