Животни – Мачките повеќе се приврзуваат од кучињата

170

За кучињата обично се вели дека им се полојални на луѓето отколку мачките, но истражувањето спроведено на американскиот Универзитет во Орегон вели поинаку. Научниот тим предводен од д-р Кристин Витале спроведе истражување над 79 мачиња и 38 возрасни мачки. Најпрво тие биле сместени со сопственикот во истата просторија во која сопственикот седел во обележан круг. Ако мачката влезе во кругот, тој ќе започне да комуницира со неа и по две минути ќе си замине. По неколку минути повторно ќе се врати во собата и ќе седне во кругот.

Според истражувањето, 64,3 отсто од мачињата покажале сигурна приврзаност кон луѓето (тие биле опуштени во нивно друштво без оглед на околината), а 35,7 проценти пак покажале т.н. несигурна наклонетост, односно покажале радост кога сопственикот се вратил и притоа не се одвојувале од него или целосно го игнорирале. Возрасните мачки се однесувале слично – 65,8 проценти покажале сигурна приврзаност, а 34,2 проценти биле несигурни.
Степенот на наклонетост кај мачките е малку повисок отколку кај кучињата. Ова е индикација дека мачките му се лојални на својот сопственик и се силно поврзани со него.