Женски протест на црвениот тепих во Кан

808

На црвениот тепих на Канскиот фестивал денеска ќе прошетаат 82 жени за да го свртат вниманието на ограничениот број режисерки што се наоѓаа во натпреварувачката програма на фестивалот во текот на 71 година од неговото постоење.

Меѓу нив ќе бидат Клаудија Кардинале, Марион Котијар, Салма Хајек, Џејн Фонда, режисерките Пети Џенкинс и Тони Маршал, како и француската режисерка Агнес Варда, добитничка на почесната Златна палма.

Бројот 82 одговара на бројот на филмови што ги режирале жени, а кои биле во конкуренција за Златната палма, во однос на 1.645 филмови режирани од мажи. Новозеланѓанката Џејн Кемпион е единствената жена што ја освои Златната палма(Клавир).

Како уште еден симбол, предвидено е учесничките да застанат на половина пат, молкум, како „симбол за недостапноста на еден цел спектар на општествен и професионален напредок“.

Претседателката на жирито Кејт Бланшет и Агнес Варда ќе прочитаат заедничка изјава.