Домување – Мали трикови за уредување на домот

86

Ако не сте во можност целосно да го реновирате домот, овие мали трикови ќе ви помогнат да направите промена. Замената на само две столчиња во трпезаријата и поставувањето тепих во различна боја ќе направи целата соба да изгледа поинаква. Различните столчиња се голем хит и даваат модерно еклектично чувство.

И неочекуваните украси на ѕидовите се многу популарни. Играјте си со различни текстури и бои и вашиот ѕид нека биде во преден план. Наместо да го истакнувате едниот ѕид во внатрешноста со некоја боја, поставете тапети со графички облици и полица со интересна форма. Со симпатични детали оваа комбинација е совршен спој.

Бањата е секогаш најголем залак кога станува збор за реновирање. Ако не сте подготвени за таков потфат, можете само да ги замените чешмите или рачките на шкафчињата и разликата ќе биде веднаш очигледна. Со комбинирање различни видови ткаенини можете да ги нагласите поединечните зони во вашиот дом. Ова нема да ве чини многу, а претставува детаљ што сигурно ќе се забележи. Обојте ја вратата во темна боја, особено ако вашиот ентериер е со неутрални тонови, ќе постигнете контраст што ќе резултира со софистициран изглед. Малите висечки градини се исто така прекрасен декор, особено убаво би се вклопиле во празниот и неискористен агол на вашиот дом.