Две Македонки со титули на изборот за Мис на Евроазија

382
Македонските претставнички на Мис Евроазија

На изборот на убавина „Мис на Евроазија 2020“, што неодамна се одржа во Истанбул, Турција, Македонија имаше две претставнички, Кристина Поптрпева и Елена Петреска, и двете членки на модното студио „Црнокрак“. Тие успешно ја претставија нашата земја и дома се вратија со круни и дури три титули.

Кристина Поптрпева освои две титули: „Мис талент“, како најталентирана меѓу девојките претставувајќи ја својата дарба за пеење со изведба на песната „Stay” од Ријана. Исто така ја освои и титулата „Мис кет вок“ за најдобро движење на писта.

Нашата друга претставничка Елена Петреска, се закити со титулата „Мис туризам“ на избор за најубава девојка на Евроазија.

И трите носеа свечени фустани што специјално за оваа прилика ги изработи креаторката Муние Локи.

И на неодамнешниот избор „Лице на Балканот“ што се одржа во Белград, девојките од модното студио „Црнокрак“ постигнаа успех.

Кристина Димитријевска е избрана за Прво лице на Балканот 2020, Ивана Маневска за најшармантно, а Михаела Тошинова е најфотогенично лице на Балканот 2020.

Во склоп на програмата се одржа и модна ревија на познатиот белградски моден креатор Саша Милојковиќ, чии модели освен професионални манекенки носеа и учесничките на изборот.