Бијонсе и Џеј Зи ги обновија брачните завети

56

Аренби-пејачката Бијонсе и раперот Џеј Зи, на отворањето на новата заедничка турнеја, објавија дека ги обновиле своите брачни завети, повторно застанувајќи пред олтар.
Тие на неодамнешниот концерт во стадионот „Принсипалити“ во Кардиф, Велс, Велика Британија, најважната вест ја соопштија со нивна венчална фотографија во заднина, каде што и двајцата се во бело, но очигледно е дека сликата не е од нивната венчавка од 2008 година.
Двојката мина низ тешки периоди последниве неколку години, по гласините дека раперот ја изневерува Бијонсе, по што имаше и инцидент со сестрата на Бијонсе, Соланж, во 2014 година. Во јавноста тогаш излезе снимка на која таа го напаѓа својот зет.
Сега, се чини, сето тоа е минато, и двојката повторно е среќна заедно.