Безусловната љубов на принцезата Дијана кон синовите откриена во досега невидено писмо

1360

Пол Бурел, поранешен батлер на трагично загинатата принцеза Дијана, објави досега невидено писмо, во кое таа отворено изразува безусловна љубов кон нејзините синови, принцот Хари и Вилијам. Бурел, кој и служеше на принцезата 10 години, се до нејзината смрт, објави на Инстаграм дел од писмото на Дијана.

Пол објавил црно-бела фотографија од принцезата Дијана и нејзините синови Вилијам и Хари додека биле момчиња, а во пораката се ставени делови од писмото, што таа му го испратила, а никогаш досега не било јавно видено.

Додека Хари, Меган и Арчи тргнуваат во нов живот, се потсетив на зборовите што принцезата Дијана ми ги напиша пред неколку години. Ова се зборови на мајчинска безусловна љубов, што се соодветни и за денес ,како што беа кога таа ги напиша пред повеќе од 24 години, истакнува Бурел.

– Јас ги сакам моите момчиња до смрт и се надевам дека семето што го засадив ќе расте и ќе им донесе сила, знаење и стабилност што им се потребни – напишалa Дијана.

Бурел прво служеше на кралицата Елизабета Втора, а потоа на принцезата Дијана, сè до нејзината трагична смрт во 1997 година. Тој стана славен со бројните мемоари за животот со кралското семејство, како и гостувањата во телевизиските емисии каде што зборуваше за Дијана, но и ги анализира односите на кралското семејство.

Тој во повеќе наврати изјавил дека се плаши дека Меган би можела да заврши како Дијана, бидејќи и на неа „се спроведува медиумски линч, кој за Дијана беше смртоносен во 1997 година“.

– Бакингемската палата е минско поле за секое лице кое влегува таму за првпат. Луѓето поставуваат стапици и не се многу добри за оваа млада девојка што доаѓа во овој свет. Кој би сакал да биде дел од тоа семејство – изјавил еднаш Бурел.