„Патокази во пустина” која содржи 1001 афоризам е најновата книга на македонскиот писател Љупчо Силјановски ја објави издаваштвото „Везилка 2011”. Во предговорот на изданието, авторот објаснува како почнал да пишува афоризми, за на крајот, објаснувајќи го поднасловот на книгата, да додаде дека од илјада-и-еден „афоризам” што ви ги нудам, останува во надеж дека барем еден од нив е духовит и ве насмеал.
Во врска со патоказите во насловот Силјановски заклучува и прашува: „во младоста бев фасциниран од поезијата, посебно од француските симбоилисти, најпосебно од Бодлер. Никогаш не ги заборавив неговите стихови од збирката „Сплин“ – „Во пустината на духот оаза на очајот. Веќе погодувате каде целам со овие патокази?“
Љупчо Силјановски е познат наш поет, раскажувач, драматург, тв-автор и сатиричар. Автор е на три романа, две книги раскази и две драми, како и на поетските книги „Јагула“, „Зимски обед“, „Церебрална спална“, „Лична карта“ и други, а објавил и десетина книги за деца и младинци.
