Едно од најголемите имиња на електронската „dark wave“ сцена, култните „Boy Harsher“, доаѓаат во Скопје!
На 4 април во Младинскиот културен центар од 22 часот, ќе бидеме сведоци на концерт кој ќе донесе сурова енергија, моќни индустриски призвуци и интимни лирики. Концертите на американскиот врвен електронски бенд „Boy Harsher“ ги нарекуваат спектакли кои не смеат да се пропуштат, затоа што не носат напред во времето.
Оваа вечер ќе настапи и пост-индустрискиот музички проект базиран во Чикаго, САД – „Hide“! Парот создава композиции-аудио колажи, користејќи комбинација од сопствени теренски снимки и аудио референци од поп-културата.
Концертот е во организација на „ROTKO Books & Music“, а билетите се достапни во билетарницата на МКЦ и на следниот линк: https://bileti.mkc.mk/index.php?id=637.
