На 72-то издание на Канскиот филмски фестивал, кој ќе се одржи на француската ривиера, годинашните кандидати за „златната палма“ се реномираните режисери Теренс Малик, Педро Алмодовар и Кен Лоуч. Една година по протестот на канскиот црвен тепих за родова еднаквост, годинава четири жени ќе се борат во категоријата за најдобра режија: Мати Диоп, Џесика Хауснер, Селин Скјама и Жастин Триет. До денес на фестивалот учествувале 1.645 машки, но само 82 женски кандидати.