Читателите на „Маалски прикаски 1+2“ имаа средба со авторот Синиша Станковиќ во Кавадарци

114

Во рамките на манифестацијата „Кавадаречка културна есен“ синоќа во Домот на културата „Иван Мазов Климе“ се одржа средба со читателите на книгата „Маалски прикаски 1+2“ од Синиша Станковиќ, како дел од една мини турнеја на авторот во повеќе македонски градови како Струмица , Битола, Прилеп и Куманово.

Станува збор за книга во која на јасен , едноставен, непосреден начин се раскажани малските вистинити прикаски од детството на авторот. За разлика од неговата прва книга „Маалски прикаски“ издадена 2007 година, во оваа книга освен
неговата носталгија за младост и едно убаво понинато детинство, во вториот дел Синиша Станковиќ повеќе зборува за разликите од тоа време кога маалските дружби и најразлични игри се заменети со компјутери, таблет-компјутери и паметни телефони.

Дел од прикаските на средбата интерпретираше актерот Александар Малинков заедно со авторот, а двајца млади музичари со своите гитари музички ја збогатија средбата со читателите. Во прикаските на Синиша секој читател да може ги препознае своите маалски херои, ликови и случки кои наликуваат на сите маала.

Останува само да го препознаете неговото новинарско перо, како мајстор на занаетот така добро да го раскажува животот кој многу брзо поминува и носи едни нови сосема поинакви малски прикаски. Ми.М.