Четири нови книги за деца како празничен подарок

101

Издавачката куќа „Антолог“ објави четири нови книги за деца. Станува збор за прекрасни илустрирани изданија за читатели од различна возраст, кои се идеален избор за подарок по повод празниците.
– Оваа година ја заокружуваме со многу акции, саеми и подароци за нашите читатели. Имаме специјални понуди за секого и за сечиј вкус. Многу нови книги од сите жанрови ве чекаат во нашите книжарници и на предновогодишните саеми на книгата. Не ги заборавивме ни децата, највредните читатели. За нив имаме свежи сликовници и пакетчиња полни радости – велат од издавачката куќа.

Под слоганот „Нека трепка!“ се објавени: илустрираната сликовница „Мимбо Џимбо и долгата зима“ од Јакоб Мартин Стрид, научнофантастичната бајка за деца „Сонот на Ѕуница“ од турската авторка Филиз Оздем, емотивната приказна „Леле, ми се скрши срцето!“ од турската авторка Елиф Јемениџи и забавната авантура „Амелија Вампирозабовска и Варварскиот бал“ од Лора Елен Андерсон.
– Во овој претпразничен период не ги забораваме и повозрасните читатели. Освен новите изданија и акциите со намалени цени, пред публиката ќе претставиме и нов креативен производ каков што досега не бил достапен на пазарот на книги во Македонија – постер за гребење со 25 читачки предизвици за 2021 година – најавуваат од „Антолог“.