Фестивалот „Пеце Атанасоски“ со реакции до Министерството за култура

175

Во шок сме. Не можеме да веруваме дека останавме без денар поддршка од Министерството за култура за јубилејното 45 издание на Фестивалот на народни инструменти и песни „Пеце Атанасоски“. Ова меѓу другото го посочи на денешната прес-конференција во Прилеп Златко Лашкоски, секретар на Фестивалот „Пеце Атанасоски“.

-На фестивалот се негува изворната музика, не само македонската, туку и на сите заедници кои живеат во Македонија – албанската, ромската, труската, бошњачката… И сега кога оваа година треба да одбележуваме јубилеј и очекувавме државата да ни даде максимална поддршка, фестивалот никаде го нема. Нула денари за фестивалот. Никаде не нема на списокот. Жално е ова што се случува во најреномираниот фестивал на кој се негува изворниот фолклор и традиција – посочи Лашкоски.

Надлежните од фестивалскиот одбор најавуваат дека ако Министерството за култура не се премисли и не им додели финансиски средства тие фестивалот „Пеце Атанасоски“ ќе го одржат пред објектот на Министерството.

Ка.М.