Промоција на романот „На враќање“ од Фросина Пармаковска

119

Промоцијата на „На враќање“, новиот роман на писателката Фросина Пармаковска, ќе се одржи денеска со почеток во 20 часот во Младинскиот културен центар.

Романот е објавен во едицијата ПРОаЗА на издавачката куќа „Или-Или“.
Романот ќе го претстават Октај Ахмед и Душко Крстевски.
– Пишувањето роман бара трпение и посветеност, а пишувањето добар роман бара и талент за привлечно и деликатно раскажување на приказната. Нема сомнение дека Фросина го има и едното и другото во овој нов, возбудлив спој на конкретното и универзалното, на судбинското и рационалното, на патувањето и враќањето во домот – пишува за романот Елизабета Баковска.
Фросина Пармаковска е родена во Скопје, 1985 година. Дипломирала на Филолошки факултет, катедра за општа и компаративна книжевност. Магистрирала на Институт за македонска литература, на Културолошки студии.

Авторка е на романите „Пишувајќи ги изгубените топки“, „Вишнова хроника“ и „Одбројување“ (роман на годината за 2017 година).