Објавен романот „Во темнината“ од чешката писателка Ана Болава

38

Издавачката куќа „Македоника литера“ деновиве го објави романот „Во темнината“ од чешката писателка Ана Болава, во превод од чешки јазик на Јасминка Делова-Силјанова. Оваа книга е наградена со највисоката книжевна награда во Чешка, „магнезија литера“, за проза за 2016 година.

Романот е лелеава приказна за билките. Во него е раскажана приказна за осамена и болна жена, која цел живот е зависна од собирање лековити билки. Најголемиот дел од својот живот таа го посветува на собирање, сушење и продажба на билки. Собирањето, сушењето и испораката на лековитите растенија за главната хероина е хоби што се граничи со зависност; билките се на прво место, а сè друго се чини дека за неа е од мала важност. Жената е многу осамена, но таа е и многу среќна. Но, за жал, животот посветен на билките не ја заштитува хероината од сериозна болест. Приказната кажува дека секоја зависност, па дури и спрема добрите нешта, води до изолација на личноста.

Ана Болава, чие вистинско име е Бохумила Адамова (1981), е чешка прозаистка и поетеса. Авторка е на следните дела: „Црна година“ (2013), збирка поезија; „Во темнината“ (2015), роман; „На дното“ (2017) година, роман, кој исто така беше номиниран за „магнезија литера“.