Концерт на дуо пијано Билјана Димовска – Татјана Божиновска во Прилеп

24

Целовечерен концерт на пијано, со дела од Дебиси, Рахмањинов, Равел, вечерва од
19 часот во фоајето од ЦК „Марко Цепенков“ во Прилеп ќе одржат пијанистките Билјана Димовска и Татјана Божиновска.

Дуото пијано во состав Билјана Димовска – Татјана Божиновска делува повеќе години и на својот репертоар има програма од барок до модерна музика. Има одржано повеќе рецитали низ земјата: Битола, Ресен, Прилеп, Охрид, Скопје, Штип, Гевгелија, и на
фестивалите: „Интерфест”- Битола, „Битфест” – Битола, „Златна лира”- Скопје, „Прилепско културно лето” – Прилеп, „Музички моменти” – Гевгелија. Во 2013 година го снимаат и своето прво ЦД.

Пијанистиката Билјана Димовска во 2000 година дипломира, а во 2003 година и магистрира на Факултетот за музичка уметност во Скопје, отсек пијано, во класата на професор Тодор Светиев. Има настапувано на повеќе значајни манифестации, со Македонската филхармонија, како и на семинари.

Пијанистката Татјана Божиновска во 2002 год. дипломира, а во 2005 година магистрира на Факултетот за музичка уметност во Скопје, отсек пијано, во класата на професор Тодор Светиев. Во 2014 година ги завршува и Докторски студии на Факултетот за музичка уметност во Скопје, под менторство на проф. м-р Тодор Светиев и проф. д-р Димитрије Бужаровски. Има одржано повеќе концерти и рецитали во земјата и во странство, а настапила како солист и со Македонската филхармонија и со Битолскиот
камерен оркестар. Ка.М.