Интервју со Османли во белградски „Данас“

250

Повод за содржајниот разговор со нашиот автор се позитивните одгласи кон романот „Зад аголот“ во Србија. Преводот на нашиот роман, означен како „дело со исклучителна книжевна градба и завидна ерудиција“, неговиот српски издавач „Албатос плус“ го претстави лани на меѓународниот Саем на книгата во Белград.
Интервјуто со Томислав Османли насловено „Ова е време на сенки“, истакнатата српска книжевна критичарка и новинарка Анѓелка Цвијиќ го почнува со претставувањето на авторот и на неговиот роман: „Девет тека на приказната и близу педесет и пет лика се вкрстуваат и се соочуваат во романот ’Зад аголот’ на Томислав Османли, еден од најпознатите и најинтересни македонски писатели денес. Ова дело со исклучителна книжевна градба и завидна ерудиција го објави ’Албатрос плус’ во одличниот превод на Зоран Ж. Пауновиќ, кој на српски го преведе и претходното прозно остварување на Османли, ’Дваесет и првиот’ во издание на ’Дерета’, во 2015 година“.